Tbilisidə metro və dəmir yolunun fəaliyyəti bərpa olunub

Tbilisidə genişmiqyaslı elektrik enerjisi kəsintisi səbəbindən dayandırılan metro və dəmir yolu nəqliyyatının fəaliyyəti bərpa edilib.

BAKU.WS "Tabula.ge"ya istinadən xəbər verir ki, elektrik sistemində yaranan qəza aradan qaldırıldıqdan sonra Tbilisi metrosunda qatarların hərəkəti yenidən başlayıb. "Gürcüstan Dəmir Yolları" da elektrik qatarlarının fəaliyyətini bərpa etdiyini açıqlayıb.

Elektrik enerjisinin kütləvi kəsilməsi iyulun 25-də saat 08:00 radələrində Tbilisi və ölkənin bir sıra bölgələrində qeydə alınıb. İlkin məlumata görə, buna enerji sistemində baş verən texniki nasazlıq səbəb olub. Hadisə telekommunikasiya xidmətlərinin işində də fasilələr yaradıb.

İnsidentin dəqiq səbəbləri araşdırılır.