Tbilisidə etirazçılar "Qəhrəmanlar" meydanını bağladılar

Gürcüstanın paytaxtı Tbilisidə etiraz aksiyası keçirilir.

BAKU.WS xəbər verir ki, müxalifət partiyalarının nümayəndələri və parlament seçkilərinin nəticələrini tanımayan fəallar Tbilisidə "Qəhrəmanlar" meydanını bağlayıblar.

Bu barədə TASS məlumat yayıb.

Seçkilərin nəticələrinə qarşı olan aksiya Tbilisidə Cavahişvili adına Tbilisi Dövlət Universitetinin həyətində keçirilib.

Daha sonra müxalifətçilər toplaşanlara müraciət edərək "Qəhrəmanlar" meydanına yürüşlə getməyə və onu bağlamağa çağırıblar.

Etirazçılar meydanında çadırlar qurublar. Onların sözlərinə görə, onlar yerli vaxtla saat 22:00-a qədər meydanda qalacaqlar.