Tbilisidə etirazçılar Çavçavadze prospektini bağlayıblar

Gürcüstanın paytaxtında xüsusi təyinatlı qüvvələr tərəfindən Ş.Rustaveli prospektindən uzaqlaşdırılan etiraz aksiyasının iştirakçıları Tbilisi Dövlət Universitetinin binasının yaxınlığındakı Çavçavadze prospektinə gedərək nəqliyyatın hərəkətini dayandırıblar.

Bu barədə görüntülər sosial şəbəkədə yayılıb.

Mitinqçilərin Rustaveli prospektindən dağıdılması yerli vaxtla saat 7:00 radələrində baş verib. Təhlükəsizlik qüvvələrinin əməkdaşları yüzlərlə aksiyaçını parlamentin yerləşdiyi prospektdən kənarlaşdırıb. Ancaq etirazçılar həmişəkindən fərqli olaraq səhər qovulduqdan sonra evlərinə dağılmayıblar, əksinə, Melikişvili prospekti ilə daha da irəliləyiblər və universitet binasının yaxınlığında kəsişmədə yerləşiblər.

Polis etirazçıları təqib etməyib. Aksiya iştirakçıları yolun hərəkət hissəsində yerləşirlər.

Morning has come.
The protest in Tbilisi continues, no one has gone home.
People gathered near the building of Tbilisi State University and blocked the intersection.

These people are also fighting for a place in the EU, but where are the representatives of the EU? pic.twitter.com/qd36yDG8Ek

— Jürgen Nauditt 🇩🇪🇺🇦 (@jurgen_nauditt) December 1, 2024