Səudiyyə Ərəbistanı Riyad yaxınlığında 4 PUA-nın vurulduğunu açıqlayıb

Səudiyyə Ərəbistanı paytaxt Riyad yaxınlığında dörd pilotsuz uçuş aparatının (PUA) vurulduğunu açıqlayıb.

BAKU.WS xarici KİV-ə istinadən xəbər verir ki, PUA-lardan üçü Riyadın şərqində, biri isə şəhərin şimal-şərq istiqamətində zərərsizləşdirilib.

Hadisə ilə bağlı əlavə detallar açıqlanmayıb. Hələlik pilotsuz uçuş aparatlarının hansı tərəfə məxsus olduğu barədə də məlumat verilməyib.