Sergey Lavrov Tehrana gedib

Rusiyanın xarici işlər naziri Sergey Lavrov işgüzar səfərlə Tehrana gedib.

BAKU.WS xəbər verir ki, bu barədə TASS məlumat yayıb.

Lavrov Tehranda İranın xarici işlər naziri Abbas Ərakçi ilə görüşəcək.

Qeyd edilir ki, naziri daşıyan təyyarə artıq Tehranın hava limanına eniş edib.

Məlumata görə, Lavrov və Ərakçi görüş zamanı Rusiya-İran münasibətlərinə dair ikitərəfli gündəliyi, eləcə də enerji və nəqliyyat sahələrində əsas İran-Rusiya layihələrinin icrası kontekstində ticarət-iqtisadi əməkdaşlığın genişləndirilməsini müzakirə edəcəklər.

Nazirlər beynəlxalq məsələlər, o cümlədən Suriya, Cənubi Qafqaz, Əfqanıstan, Yaxın Şərqdəki vəziyyət, Xəzərlə bağlı məsələlər və İranın nüvə proqramı üzrə Birgə Hərtərəfli Fəaliyyət Planı ətrafında baş verən hadisələr barədə fikir mübadiləsi aparacaqlar.