Şarjda qalan telefon bomba kimi partladı

Türkiyədə enerjiyə qoşulu vəziyyətdə qoyulan mobil telefonun batareyası partlayıb. Hadisə ilə əlaqədar aidiyyəti qurumlar əraziyə cəlb olunub.

BAKU.WS xəbər verir ki, hadisə gecə saatlarında Gölbaşı qəsəbəsində yerləşən Yenişehir Zəlzələ Mənzillərində baş verib. Bir vətəndaşın enerji yığan vəziyyətdə saxladığı mobil telefonun batareyası qəfil partlayıb. Məlumat daxil olduqdan sonra əraziyə polis, yanğınsöndürmə xidməti, AFAD, eləcə də qaz və elektrik təchizatı üzrə təcili xidmət qrupları göndərilib.

Əraziyə çatan müvafiq qurumlar təhlükəsizlik tədbirləri görərək hadisə yerində araşdırmalara başlayıblar.

Partlayış nəticəsində xəsarət alan olmayıb.