Rusiyada kərə yağı daha da bahalaşdı

Noyabrın 12-dən 18-dək olan həftə ərzində Rusiyada kərə yağının qiyməti 1,4% artıb.

BAKU.WS xəbər verir ki, ilin əvvəlindən malların dəyəri artıq 30%-dən çox bahalaşıb.

Həftə ərzində digər süd məhsullarında da artım müşahidə edilib. Belə ki sərt, yarımbərk və yumşaq pendirlərin qiymətləri 1,3%, pasterizə olunmuş süd və xama 0,9%, sterilləşdirilmiş südün dəyəri 0,8%, kəsmiyin qiyməti 0,6% qalxıb.

Digər məhsullarda, xüsusilə də tərəvəz məhsullarında da qiymət artımı qeydə alınıb. Dövr ərzində xiyarın qiyməti 11,3%, pomidorun qiyməti 6% bahalaşıb. Ağ kələmin qiyməti 4,7% artıb. Bundan əlavə, soğan (+4,4%), kartof (+3,8%), çuğundur (1,6%) və yerkökü (+1,3%) bahalaşıb.