Rusiyada iri ticarət mərkəzində YANĞIN

Bu gün səhər Rusiyada, Yekaterinburq vilayətinin Marta küçəsi 8 ünvanında yerləşən Qrinviç ticarət mərkəzində yanğın baş verib.

BAKU.WS xəbər verir ki, bu barədə Rusiya Fövqəladə Hallar Nazirliyinin Sverdlovsk vilayəti üzrə Baş İdarəsinin mətbuat xidməti məlumat yayıb.

Hadisə şahidlərinin sözlərinə görə, binanın damından qatı qara tüstü çıxmağa və ərazidə kəskin yanıq qoxusu hiss edilməyə başlayıb.

Fövqəladə Hallar Nazirliyindən verilən məlumata görə, hadisə yerinə gələn yanğınsöndürmə-xilasetmə qüvvələri binanın damındakı ventilyasiya soyutma sisteminin soyuducu qülləsində yanğının baş verdiyini müəyyən ediblər.

Yanğınsöndürənlər qısa müddətdə 20 kvadratmetr sahədə yanğını söndürüblər. İlkin məlumata görə, ölən və xəsarət alan olmayıb. Hadisənin səbəbini yanğınsöndürənlər müəyyənləşdirəcək.