Rusiyada bir qrup gənc əlil şəxsi döyüblər

Rusiyanın Ufa şəhərində bir qrup gənc küçədə əsa ilə hərəkət edən əlil şəxsi döyüblər.

BAKU.WS xəbər verir ki, hadisə şəhərin Muşnikova küçəsində baş verib və görüntülər "Mash Batash" adlı teleqram kanalında yayımlanıb.

Videoda bir neçə nəfərin əlil şəxsi yerə yıxaraq ona təpiklə zərbələr endirdiyi, sonra isə onu binanın girişinə tərəf sürüdüyü görünür.

Məlumata görə, hadisədən sonra polis bütün şübhəliləri saxlayıb. Lakin bir müddət sonra onlar sərbəst buraxılıblar.