Rusiya hərbi bazası Ermənistandan çıxarılacaq? - Paşinyan cavab verdi

Ermənistanın baş naziri Nikol Paşinyan ölkədə yerləşən Rusiya hərbi bazasının çıxarılması ilə bağlı yayılan iddialara cavab verib.

BAKU.WS TASS-a istinadən xəbər verir ki, Paşinyan bildirib ki, Ermənistanın Rusiya qoşunlarını ölkədən çıxarmaq kimi bir niyyəti yoxdur.

Buna qədər Rusiya Xarici İşlər Nazirliyinin rəsmi nümayəndəsi Mariya Zaxarova açıqlama verərək deyib ki, Ermənistan tərəfindən Rusiya hərbi bazasının çıxarılması ilə bağlı heç bir siqnal daxil olmayıb.

O, əlavə edib ki, Ermənistan rəsmilərinin açıqlamalarına görə, bu məsələ gündəmdə deyil.