Rus generalın ölümünün bəzi detalları məlum olub

Rusiyada general İqor Kirillov Ukrayna xüsusi xidmət orqanlarının əməliyyatı nəticəsində öldürülüb.

BAKU.WS xəbər verir ki, bu barədə "Reuters" agentliyi məlumat yayıb.

"Ukrayna Təhlükəsizlik Xidməti Moskvada keçirilən xüsusi əməliyyat çərçivəsində rus generalı Kirillovu öldürüb", - deyə məlumatda bildirilib.

Xatırladaq ki, bu gün səhər yerli vaxtla saat 7 radələrində Moskvanın Ryazanski prospektində yaşayış binasının həyətində partlayış baş verib. Nəticədə Kirillov və köməkçisi ölüb.

Girişdə dayanan skuterə yerləşdirilmiş bomba işə düşüb. Partlayış 1-ci mərtəbədən 3-cü mərtəbəyə qədər şüşələri zədələyib, eyni zamanda üzbəüz evdəki şüşələri sındırıb.

İki hərbçinin ölümü ilə bağlı "Qətl", "Terror aktı", "Silah və sursatın qanunsuz dövriyyəsi" maddələri ilə cinayət işi açılıb.