Quduz pişiyə görə kəndi karantinə aldılar

Rusiyada, Kama rayonunun, Alnyaş kəndində sahibini dişləyən pişiyə görə karantin tətbiq edilib.

BAKU.WS xəbər verir ki, təfərrüatlar Perm diyarının Çaykovski rayonunun administrasiyası tərəfindən verilib.

Bildirilib ki, Alnyaş kənd sakinini pişik dişləyib. Məlum olub ki, heyvan quduzluğa yoluxub. Xəsarət alan qadın xəstəxanaya aparılaraq müalicəyə cəlb olunub.

"Hadisənin aşkarlandığı qəsəbədə karantin rejimi tətbiq edilib, bütün lazımi epidemiya əleyhinə və qabaqlayıcı tədbirlər görülür", - administrasiyadan bildirilib.