"Qiyamət günü Radiosu"nda bir gündə sirli 3 mesaj eşidildi

Daha çox "Qiyamət günü radiostansiyası" adı ilə məşhur olan "UVB-76" radiostansiyasından bir gündə göndərilən üç yeni mesaj qeydə alınıb.

BAKU.WS xəbər verir ki, bu barədə "UVB-76 logi" "Telegram" kanalı məlumat yayıb.

Mesajların vaxt ştampları bunlardır: Bakı vaxtı ilə bir gün əvvəl saat 10:31-də efirdə "Bornorak", saat 10:34-də isə "Adovıy" sözü eşidilib.

Axşam saat 18:51-də "Abstrakt pudolist" sözləri ilə mesaj qeydə alınıb.

Xatırladaq ki, martın 10-da da "The Buzzer" ("Jujalka" - vızıltı) adı ilə də tanınan "UVB-76" qəribə siqnal ötürüb.

Mesaj rəqəmlərdən və adlardan ibarət olub.

"Nikolay, Jenya, Tatyana, İvan... Nikolay, Jenya, Tatyana, İvan", - deyə monoton şəkildə ifadələr səslənib və bundan sonra rəqəmlərin kombinasiyasını deyib.

Qeyd edək ki, "Qiyamət günü radiostansiyası" 1975-ci ildə fəaliyyətə başlayıb. Radiostansiya 4625 kilohers tezliyində daim xışıltı ilə efirə çıxır. Efirdə naməlum səslər dəqiqədə 25 dəfə təkrarlanır.

Daimi xışıltı səslərindən sonra efirdə rus kəlmələrinə bənzər kəlmələr eşidilir. 2022-ci ilin 24 fevral ərəfəsində və bötöv 2023-cü ildə radiostansiyasında aktivlik müşahidə olunub. 2010-cu ildə isə radiostansiya efirinə Çaykosvkinin "Sonalar gölü" baletini də əlavə edib. Ən populyar versiyaya görə radiostansiyanın yayımını dayandırması Qlobal dünya faciəsinin başlaması anlamına gələcək.