Qırğızıstanda Vergilər Xidmətinin rəhbəri korrupsiya şübhəsi ilə saxlanılıb

Qırğızıstanda korrupsiya ittihamı ilə Vergilər Xidmətinin rəhbəri Altynbek Abduvapov və onun müavini saxlanılıb.

Bu barədə ölkənin Milli Təhlükəsizlik Dövlət Komitəsinin mətbuat xidməti məlumat yayıb.

"Elektron mal daşınma qaimələrinin istifadəsi ilə bağlı fırıldaqlara Vergilər Xidmətinin rəhbəri Abduvapov və onun müavini (İslambek) Kıdırgıçovun da aidiyyəti müəyyən olunub", - deyə məlumatda qeyd olunub.

Hazırda saxlanılanlar Milli Təhlükəsizlik Dövlət Komitəsinin istintaq təcridxanasına yerləşdirilib.