Qəzzada ilk gündə təxminən 87 min uşağa poliomielit əleyhinə peyvənd edilib

Peyvəndin ilk günündə beynəlxalq humanitar təşkilatların əməkdaşları Qəzza zolağında 87 minə yaxın uşağa poliomielit xəstəliyinə qarşı peyvənd ediblər.

BAKU.WS xəbər verir ki, bu barədə BMT-nin Fələstin Ərazilərində Humanitar Məsələlərin Əlaqələndirilməsi İdarəsi məlumat yayıb.

Qurumun məlumatına görə, 392 stasionar məntəqədə 2,2 minə yaxın tibb işçisi peyvəndləmə aparır.

Bundan əlavə, 300-ə yaxın mobil qrup təşkil edilib. Ümumilikdə, peyvəndin hər iki mərhələsi ərzində 10 yaşa qədər 640 min uşağın peyvənd edilməsi planlaşdırılır.

Bundan əvvəl Ümumdünya Səhiyyə Təşkilatı Qəzzaya 1,26 milyon doza poliomielit peyvəndi gətirildiyini və yaxın gələcəkdə daha 400 min dozanın gələcəyini bildirmişdi. 10 yaşa qədər 640 mindən çox uşaq peyvənd alacaq.

Fələstin Səhiyyə Nazirliyi avqustun 16-da Qəzza zolağının mərkəzində ilk təsdiqlənmiş poliomielit hadisəsinin qeydə alındığını elan edib. Deyr əl-Balah şəhərində bir dəfə də olsun poliomielit peyvəndi almamış 10 aylıq uşaq Əmmanda aparılan laboratoriya müayinələri zamanı virus infeksiyasına yoluxmuşdur.