Qətər ABŞ-yə "Boeing 747" təyyarəsi hədiyyə edib

ABŞ Müdafiə Nazirliyi Qətər tərəfindən hədiyyə edilən "Boeing 747" təyyarəsinin Pentaqonun inventarına daxil edildiyini açıqlayıb.

BAKU.WS xəbər verir ki, nazirliyin sözçüsü Şon Parnell verdiyi yazılı açıqlamada bildirib ki, ABŞ Müdafiə naziri Pit Hegseth federal qaydalara uyğun şəkildə bu təyyarəni qəbul edib. O, həmçinin vurğulayıb ki, təyyarənin ABŞ Prezidentini daşımaq üçün nəzərdə tutulacağı təqdirdə, təhlükəsizlik və funksionallıq baxımından bütün zəruri tədbirlər görüləcək.

Beləliklə, Qətər ilə ABŞ arasında tərəfdaşlığın simvolik jestlərdən biri kimi qiymətləndirilən bu hədiyyə, iki ölkə arasında strateji münasibətlərin möhkəmlənməsi baxımından da diqqət çəkib.