Onlarla insanın ölümünə səbəb olan təyyarə iki gün əvvəl "təcili" siqnalı verib

Cənubi Koreyada qəzaya uğrayan və 176 nəfərin ölümünə səbəb olan sərnişin təyyarəsinin iki gün əvvəl Cejudan Pekinə gedərkən 7700 (Təcili) siqnalı verdiyini və Seula istiqamətləndiyini üzə çıxıb.

BAKU.WS xəbər verir ki, bu barədə təyyarə izləmə saytı Flightradar məlumat yayıb.

Bildirilib ki, iki gün əvvəl təyyarə Cejudan Pekinə gedərkən 7700 (Təcili) siqnalı verib və Seula yönləndirilib.

Təyyarənin cədvələ yetişməyə çalışdığı və o vaxtdan bəri gecikmələrlə uçduğu bildirilir.

Digər tərəfdən, pilotların sözügedən uçuşda nə üçün təcili siqnal verdiyi məlum deyil. Ona görə də bu hadisənin qəza ilə bağlı olub-olmadığı aydın deyil.

İlkin müşahidələrə görə, səlahiyyətlilər eniş aparatının nasazlığı və quşların vurması kimi imkanları nəzərdən keçirir.