Nihal Candan: "Mal-mülküm bir-iki çanta və ayaqqabımdır"

Dələduzluq və cinayət təşkilatına üzv olmaqda ittiham edilən sosial media fenomenləri Bahar Candan və Nihal Candanın üçüncü məhkəmə iclası keçirilib.

BAKU.WS Türkiyə KİV-ə istinadən xəbər verir ki, Küçükçekmece 5-ci Ağır Cəza Məhkəməsindəki prosesdə ümumi 21 şübhəli olub. Nihal Candan ona qarşı irəli sürülən ittihamları qəbul etməyib.

"Mən heç bir iclasda iştirak etməmişəm. 2021-ci ildə yanlış adamla oldum. İttihamnamədə təşkilatın rəhbəri kimi adı keçən Onur Apaydın iş adamı, aktiv qazanc sahibi olduğunu və məni çox bəyəndiyini bildirib. Mən o vaxt səhhətimlə bağlı problemlər yaşayırdım. Ona görə də şəxsi həyatımla bağlı səhv qərar vermişəm" -deyə, Nihal bildirib.

O heç bir mal-mülkü olmadığını hətta ailəsinin maddi vəziyyətinin aşağı olduğunu vurğulayıb:

"28 kilodan bu vəziyyətə gəldim. Mal-mülküm bir-iki çanta, ayaqqabım ola bilər. Bunları da həyat yoldaşıma alıb. Ailəmiz maddi cəhətdən çox çətin vəziyyətdədir."

Nihalın bu açıqlaması sosial şəbəkələrdə yayılaarq müzakirələrə səbəb olub.