NATO ölkəsi Rusiya sərhədində hərbi baza yaradacaq

Estoniya Müdafiə Qüvvələrinin Baş Qərargah rəisi Vahur Karus Narva şəhərində hərbi baza yaradılması planlarını açıqlayıb.

BAKU.WS xəbər verir ki, bu barədə o, Estoniya Milli Televiziyasına (ERR) verdiyi müsahibədə bildirib.

Karusun sözlərinə görə, bazada 200–250 hərbçi yerləşdiriləcək. Burada həm estoniyalı, həm də müttəfiq ölkələrdən olan hərbçilər xidmət göstərəcək.

Baş Qərargah rəisi vurğulayıb ki, Estoniya Müdafiə Qüvvələri Narva sakinlərinə şəhərdə güclü hərbi mövcudluğun olacağı mesajını vermək istəyir. O, həmçinin yerli əhalini eston əsgərlərinin şəhər mənzərəsinin gündəlik bir hissəsi olmasına alışmağa çağırıb.

Qeyd edək ki, buna qədər başqa bir NATO ölkəsi – Litva, Rusiya ilə sərhəddə, Kalininqrad vilayəti yaxınlığında infrastrukturun gücləndiriləcəyini açıqlamışdı. Bu məqsədlə 16 milyon avro vəsait ayrılacağı qeyd edilib.