Moskvada qar fırtınası

Moskva şəhərində hava şəraiti kəskin pisləşib və güclü qar fırtınası müşahidə olunub.

BAKU.WS Rusiya mediasının məlumatına istinadən xəbər verir ki, çovğun paytaxtın mərkəzində, o cümlədən "Park Kulturi" metro stansiyası ətrafında qeydə alınıb. Şəhərdə görmə məsafəsinin azalması və küləyin güclənməsi müşahidə edilir.

Bildirilib ki, Moskva bölgəsində sutka ərzində 3-6 millimetr arası yağıntı düşə bilər.

Rusiya Hidrometeorologiya Mərkəzinin məlumatına əsasən, çövğuna baxmayaraq, şəhərdə daimi qar örtüyünün yaranması gözlənilmir.

Proqnozlara görə, soyuq hava şəraiti iş həftəsinin sonuna qədər davam edəcək, həftəsonuna doğru isə zəifləyəcək.