Mıtişidə "Krasnıy Kit" ticarət mərkəzində atışma baş verib

Moskva vilayətinin Mıtişi şəhərində yerləşən "Krasnıy Kit" ticarət mərkəzində atışma baş verib.

BAKU.WS-in Rusiya mediasına istinad etdiyi məlumata görə, hadisə nəticəsində üç nəfər yaralanıb.

Əldə olunan məlumatlara görə, naməlum şəxs ticarət mərkəzinin mühafizəçiləri ilə yaranan mübahisə zamanı tapançadan atəş açıb. Bu hadisə zamanı mərkəzə gələnlər arasında panika yaranıb və insanlar təcili şəkildə ərazidən qaçmağa başlayıblar.

Hadisə yerinə gələn polis əməkdaşları atəş açan şəxsi saxlayıb. Fakt üzrə araşdırma aparılır.