Məşhur aktrisa narkotikə görə hava limanında saxlanıldı

Məşhur rus aktrisası Aglaya Tarasovadan Domodedovo hava limanında narkotik vasitələr aşkar edilib.

BAKU.WS xəbər verir ki, bu barədə "Mash" Telegram kanalı məlumat yayıb.

Nəşrin məlumatına görə, Tarasovanın yanında içində narkotik tərkibli haşiş yağı olan vape cihazı (elektron siqaret) tapılıb. Bildirilir ki, bir neçə gün əvvəl "İnternlər" serialının ulduzu İsraildən gəlmişdi. Onun barəsində narkotik maddələrin qanunsuz gətirilməsinə görə cinayət işi açılıb və yaxın günlərdə ona qarşı həbs-qətimkan tədbiri seçiləcək.

Qeyd edək ki, "Besprintsipnyye" serialının ulduzuna yeddi ilədək həbs cəzası verilə bilər. Aktrisa həmçinin "Led" və "Kholop 2" filmlərindəki rolları ilə tanınır.