Mərmərə dənizində yanğın - 2 nəfər ölüb

Mərmərə dənizində gəmidə yanğın baş verməsi nəticəsində 2 nəfər həyatını itirib.

BAKU.WS CNNTÜRK-ə istinadən xəbər verir ki, Sədef adası yaxınlığında FG SEVIL adlı yük gəmisinin maşın bölməsində yanğın çıxıb. Yanğın nəticəsində gəmidə çalışan 2 işçi - Hüseyn Aydemir və Gökhan Kan həyatını itirib.

Yalovadan Bolqarıstana hərəkət edən Panama bayraqlı gəmidə səbəbi hələ bilinməyən yanğınla bağlı hadisə yerinə dərhal Sahil Təhlükəsizlik xidmətinin KEGM-4 sürətli təxliyə qayığı, Qurtarma-7 və Şark yedək gəmiləri göndərilib.

Müdaxilə nəticəsində yanğın tam söndürülüb, gəmi isə Kartal dayanacaq sahəsinə çəkiləcək.