Luvr Muzeyi soyğundan sonra yenidən açıldı

Fransanın paytaxtı Parisdə yerləşən məşhur Luvr Muzeyi, 19 oktyabrda baş verən soyğundan üç gün sonra fəaliyyətini bərpa edib.

BAKU.WS xəbər verir ki, Fransa mətbuatının məlumatına görə, oğrular muzeyin "Apollo qalereyası"ndan kral ailəsinə məxsus 9 qiymətli tarixi əsəri oğurlayıblar. Onlardan biri – İmperatriçə Eugeniyə məxsus tac – daha sonra zədələnmiş halda muzeyin yaxınlığında tapılıb.

Hadisə cəmi 7 dəqiqə davam edib və oğrular 8 ədəd nadir zərgərlik məmulatı ilə qaçıblar. Oğurlanan əşyaların ümumi dəyərinin 88 milyon avro olduğu bildirilir.

Muzey rəhbərliyi Luvrun əsas zalları yenidən ziyarətə açıldığını, lakin soyğunun baş verdiyi "Apollo qalereyası"nın növbəti açıqlamaya qədər bağlı qalacağını bildirib.