Los-Ancelesdə yanğınlar söndürülə bilmir: Ölənlərin sayı 27-yə çatıb

ABŞ-nin Kaliforniya ştatının Los-Anceles şəhərində davam edən meşə yanğınlarında ölənlərin sayı 27-yə yüksəlib.

BAKU.WS xəbər verir ki, rəsmi məlumatlara görə, 26 nəfər itkin düşüb, 82 min nəfər məcburi təxliyə edilib, 90 min nəfər isə təxliyə xəbərdarlığı alıb.

7 yanvarda başlayan yanğınlar ağır fəsadlara səbəb olub. Los-Anceles Tibbi Ekspertiza Bürosunun məlumatına görə, İton yanğınında 17, Palisades yanğınında isə 10 nəfər həyatını itirib. Los-Anceles Yanğın Departamenti Palisades yanğınının 23 min akrdan çox əraziyə yayıldığını, 5 min tikilini məhv etdiyini və yalnız 22%-nin nəzarət altına alındığını bildirib. İton yanğınının isə 14 min akrdan çox ərazini külə çevirdiyi, 7 min tikilini məhv etdiyi və 55%-nin söndürüldüyü qeyd edilib.

Yanğınların 29 min 824 şagirdin təhsilinə mənfi təsir göstərdiyini, 33 məktəbin bağlandığını və 10 məktəb kampusunun ziyan gördüyünü və ya tamamilə məhv edildiyi açıqlanıb.