Los-Ancelesdə baş verən yanğında ölənlərin sayı 29-a çatdı

ABŞ-nin Kaliforniya ştatının Los-Anceles şəhərində baş verən meşə yanğınlarında ölənlərin sayı 29-a yüksəlib.

BAKU.WS haber global-a istinadən xəbər verir ki, Los-Ancelesdə 7 yanvarda başlayan meşə yanğınlarının təsirləri hələ də davam edir. Los-Anceles Tibb Ekspertizasından əldə olunan məlumatlara görə, Palisades yanğınında 12 nəfər, Eaton yanğınında isə 17 nəfər həyatını itirib. Beləliklə, ümumi ölüm sayı 29-a çatıb.

Kaliforniya Meşəçilik və Yanğınların Mühafizəsi İdarəsinin verdiyi açıqlamada, 23 min 448 hektarlıq ərazini əhatə edən Palisades yanğınının 95 faizinin, 14 min 21 hektarlıq ərazini əhatə edən Eaton yanğınının isə 99 faizinin nəzarət altına alındığı bildirilib.

Ümumilikdə ən azı 16 min 291 bina tamamilə yararsız hala düşüb, 2 min 90 binada isə ciddi ziyan qeydə alınıb.