Latviya Ukraynaya 21 zirehli transportyor verib

Latviya Ukraynaya 21 ədəd "Patria" 6×6 tipli zirehli transportyor göndərib.

BAKU.WS xəbər verir ki, bu barədə Ukraynanın müdafiə naziri Denis Şmıqal "Telegram" kanalında bildirib.

Texnikanın təhvili noyabrın 6-da Riqa yaxınlığındakı "Adazi" hərbi bazasında baş tutub. Zirehli maşınlar Ukrayna Silahlı Qüvvələri üçün nəzərdə tutulub. Bu il Ukrayna ümumilikdə bu tipdən 42 nəqliyyat vasitəsi alıb.

Qeyd edək ki, Latviya daha əvvəl elan edilmiş hərbi yardım paketinə daxil olan 12 ədəd CVR(T) tipli döyüş kəşfiyyat maşınını da təhvil verib.