Latviya bankomatlarda rus dilindən istifadəni qadağan edib

Latviya bankomatlarda rus dilindən istifadəni qadağan edib.

BAKU.WS Delfi portalına istinadən xəbər verir ki, bankomatlara latış dili quraşdırılacaq.

Latviyanın Seymi (birpalatalı parlament) yekun oxunuşda kredit təşkilatları haqqında qanuna ölkənin bankomatlarında rus dilindən istifadəni qadağan edən dəyişiklikləri qəbul edib.

Həmçinin cihazlarda Aİ, İqtisadi Əməkdaşlıq və İnkişaf Təşkilatına üzv ölkələrin, eləcə də assosiasiyalara üzv olmağa namizəd dövlətlərin rəsmi dilləri quraşdırıla bilər. Bildirilir ki, "düzəlişlərin məqsədi bütün Latviya ərazisində sakinlər üçün nağd pulun olmasını təmin etməkdir".

Qeyd edək ki, sentyabrın 11-də Latviya Seyminin Büdcə və Maliyyə Komissiyası yekun oxunuşdan əvvəl kredit təşkilatları haqqında qanuna müvafiq dəyişiklikləri təsdiqləyib.