"Lamborghini Diablo" yük maşınından yola aşdı

Gümüşü rəngli Lamborghini Diablo boşaldılan zaman gözlənilmədən aşıb və sahibini böyük təmir xərcləri ilə üz-üzə qoyub.

BAKU.WS xarici mətbuata istinadən xəbər verir ki, hadisənin fotoları internetdə sürətlə yayılıb.

Məlumata görə, xüsusi yük maşını klassik Ford Mustang-ı götürməyə hazırlaşırdı, buna görə də əvvəlcə Diablonu boşaltmalı idi. Təəssüf ki, enişə girən kimi Lamborghininin sağ tərəfi öz ağırlığını daşıya bilməyib və nəticədə yerə uğursuz formada düşüb.

Yük maşınının aid olduğu "Intercity Lines" şirkəti onu illər əvvəl satdıqlarını açıqlayıb. Şirkətin sözçüsü bildirib ki, bu tip qoşqular "davamlı texniki xidmət" tələb edir.

Yük maşınından düşən Lamborghini, 1994-cü ildə istehsal olunmuş Lamborghini Diablo VT-ə bənzəyir. Onun 2019-cu ildə Cats Exotics auksionunda 295.000 dollara satıldığı bildirilir.

Qalereya