Lahmacunun qiyməti aktrisanı QƏZƏBLƏNDİRDİ - İçinə ət yerinə qızıl qatırlar?

Yay mövsümü yaxınlaşdıqca Türkiyənin turistik Bodrum qəsəbəsində qiymətlər müzakirələrə səbəb olub. Məşhur aktrisa Seray Sever lahmacunun 2200 lirəyə satılması ilə bağlı iddialara sərt reaksiya verib.

BAKU.WS xəbər verir ki, uzun müddətdir Bodrumda yaşayan aktrisa bir neçə gün əvvəl iş üçün gəldiyi İstanbulda jurnalistlərin suallarını cavablandırıb.

Qiymətləri eşidəndə təəccübünü gizlədə bilməyən Sevər, "Bu, gülüncdür. O pul həqiqətən də verilməməlidir. O pulu vermək görməmişlikdir. Mən yemərəm. Qiymənin yerinə qızıl qoyurlar? Bu mümkün deyil!".

Aktrisa onu da qeyd edib ki, qəsəbədə restoranlarda elə də çox yemək yemir:

"Bodrumda çox restorana getmirik, bağçamızda manqalımız var. Bizə gəl, sənə pulsuz yemək hazırlayacam", deyən aktrisa jurnalistlərlə zarafat edərək ürəkdən gülüb.