KXDR Cənubi Koreyaya gedən yolları partladıb

Koreya Xalq Demokratik Respublikası (KXDR) Cənubi Koreyaya gedən yolları partladıb.

BAKU.WS xəbər verir ki, bu barədə Cənubi Koreya Silahlı Qüvvələrinin Qərargah Rəisləri Komitəsi məlumat verib.

Məlumatda qeyd olunub ki, partlayışlar yarımadanın qərb və şərqindəki nəqliyyat xətlərinə təsir göstərib.

"Şimali Koreya günorta saatlarında hərbi demarkasiya xəttinin şimalındakı yol hissələrini partladıb. Hərbi qüvvələrimiz hazırlığı və müşahidəni gücləndirirlər", - məlumatda deyilir.

Qeyd edək ki, Cənubi Koreya hərbçiləri bu barədə əvvəlcədən xəbərdarlıq ediblər.