Kurskda Fransa istehsalı olan "Caesar"ın vurulma anı

Ukrayna Silahlı Qüvvələri Kursk vilayətində Fransanın "Caesar" özüyeriyən artilleriya qurğularından istifadə edib. Onlardan biri Rusiya Silahlı Qüvvələrinin artilleriyası tərəfindən meşə zolağında kamuflyaj olunmuş vəziyyətdə vurulub.

BAKU.WS xəbər verir ki, bu barədə Rusiya Müdafiə Nazirliyi məlumat yayıb.

"Ukrayna Silahlı Qüvvələrinə məxsus 155 mm-lik "Caesar" özüyeriyən artilleriya qurğusunun hərəkəti Rusiya Silahlı Qüvvələrinin kəşfiyyat PUA operatoru tərəfindən Kursk vilayətinin Nikolaevo-Daryino kəndi yaxınlığında aşkar edilib. Artilleriya qurğusunu izləyən PUA operatoru onun meşə zolağında yerini müəyyənləşdirib. Dəqiq artilleriya zərbələri nəticəsində hədəf yox edilib", - deyə məlumatda qeyd olunur.