KTMT-nin yeni sammitinin vaxtı və yeri məlum olub

Kollektiv Təhlükəsizlik Müqaviləsi Təşkilatının (KTMT) növbəti sammiti 2025-ci ilin sonunda Qırğızıstanda keçiriləcək.

BAKU.WS TASS-a istinadən xəbər verir ki, bunu Qırğızıstan Prezidenti Sadır Japarov deyib.

"Mən Kollektiv Təhlükəsizlik Şurasının növbəti sessiyasının 2025-ci ilin dördüncü rübündə keçirilməsini təklif edirəm", - deyə prezident bildirib.

O, 2025-ci ildə KTMT-yə sədrliyin Qazaxıstandan Qırğızıstana keçməsini şərh edib, həmçinin assosiasiyanın yeni sammitinin tarixi və yerini təklif edib.

Bundan əvvəl Belarus prezidenti Aleksandr Lukaşenko Ermənistanın KTMT sammitində iştirak etməməsi barədə danışıb. Onun sözlərinə görə, təşkilatın Astanada keçirilən sammitində Ermənistan nümayəndə heyətinin iştirak etməməsi assosiasiyanın özünü xarakterizə edir.