Kral III Çarlzın qardaşı oğlu Peter Fillips evlənib

Böyük Britaniya kral ailəsinin üzvü, Kral III Çarlzın bacısı şahzadə Annanın oğlu Peter Fillips ailə həyatı qurub.

BAKU.WS xəbər verir ki, 48 yaşlı Peter Fillips İngiltərənin Milli Səhiyyə Xidmətində (NHS) çalışan tibb bacısı Harriet Sperlinqlə Kotsvolds bölgəsində yerləşən All Saints kilsəsində keçirilən sadə mərasimlə evlənib.

Toy mərasimində Kral III Çarlz, Kraliça Kamilla, Uels şahzadəsi Uilyam və şahzadə Keyt də iştirak ediblər.

Harriet Sperlinqin gəlinliyi dizayner Emiliya Viksted tərəfindən hazırlanıb. Cütlüyün 2025-ci ilin avqustunda nişanlandığı açıqlanmışdı.

Qeyd edək ki, Peter Fillips daha əvvəl evli olub və əvvəlki nikahından iki qızı var. Harriet Sperlinqin də əvvəlki münasibətindən bir qızı olduğu bildirilir.