Kiyevə kütləvi dron və raket hücumu: dörd nəfər həlak oldu

Kiyevə kütləvi dron və raket hücumu olub.

BAKU.WS xəbər verir ki, sentyabrın 28-nə keçən gecə Rusiya ordusu Ukraynanın paytaxtı Kiyevə genişmiqyaslı dron və raket zərbələri endirib.

Hücum nəticəsində biri 12 yaşlı uşaq olmaqla, dörd nəfər ölüb, azı 40 nəfər yaralanıb. Yaralananların arasında uşaqlar da var. Zərbələr yaşayış binalarına və mülki infrastruktura ciddi ziyan vurub.

Ukrayna Prezidenti Volodimir Zelenskinin sözlərinə görə, hücum 12 saat davam edib və bu müddət ərzində təxminən 500 dron və 40-dan çox raket istifadə olunub.