KİV: SAXAL "Hizbullah"ın silah və infrastrukturunu məhv edir

İsrail Müdafiə Qüvvələri (SAXAL) Livanın cənubunda "Hizbullah" təşkilatının infrastrukturuna böyük zərbələr vurub.

BAKU.WS xəbər verir ki, bu barədə "The Jerusalem Post" qəzeti məlumat yayıb.

Nəşr qeyd edir ki, son 24 saat ərzində Livanın cənubunda davam edən quru əməliyyatlarında 36-cı diviziyanın komandanlığı altında olan "Qolani" briqadasının döyüş bölmələri iştirak edir.

Bildirilir ki, hərbçilər İsrail Hərbi Hava Qüvvələrinin köməyindən istifadə edir və "Hizbullah" döyüşçüləri ağır itkilər verir.

Qəzet yazır ki, İsrail ordusu həmçinin reyd zamanı odlu silah və müşahidə avadanlığı aşkar edərək ələ keçirib.