İsveçrədə milli matəm elan edilib

İsveçrə hakimiyyəti Kran-Montana dağ-xizək kurortunda yerləşən barda baş vermiş və 40 nəfərin ölümü ilə nəticələnən faciəvi yanğından sonra 9 yanvarı milli matəm günü elan etməyə hazırlaşır.

BAKU.WS-in məlumatına görə, İsveçrə Konfederasiyasının prezidenti Gi Parmelin bu barədə "Tages-Anzeiger" nəşrinə verdiyi müsahibədə açıqlama verib. Onun sözlərinə görə, həmin tarixdə federal hakimiyyət ölkə kilsələri ilə birgə ümummilli matəm tədbirləri keçirməyi planlaşdırır.

Prezidentin bildirdiyinə görə, 9 yanvar günü Kran-Montanada təşkil olunacaq xatirə mərasimində şəxsən iştirak edəcək. Milli həmrəyliyin ifadəsi olaraq saat 14:00-da matəm tədbirinin başlanğıcı ilə eyni vaxtda İsveçrə üzrə bütün kilsələrdə zənglər səsləndiriləcək. Eyni zamanda ölkə miqyasında bir dəqiqəlik sükut elan olunacaq.