İsrail tankları Dəməşqə yaxınlaşıb

İsrail Müdafiə Ordusunun (SAXAL) tankları Suriyanın paytaxtı Dəməşq yaxınlığında görünüb.

BAKU.WS xəbər verir ki, bu barədə "əl-Məyadin" telekanalı məlumat yayıb.

Məlumata görə, zirehli texnika şəhərdən cəmi 20 kilometr məsafədə yerləşir.

Qeyd edək ki, SAXAL Suriya ilə sərhəddə yerləşən bufer zonada bəzi bölgələr üzərində nəzarəti ələ keçirib.

İsrail Hərbi Hava Qüvvələri Suriya ordusundan yaraqlılara qalan silah və hərbi texnikanı sistemli şəkildə məhv edir. Dəməşq bölgəsindəki hədəflərə bir neçə gündür silsilə zərbələr endirir.