İsrail Qəzza sektorundan Qüdsün atəşə tutulduğunu açıqlayıb

Qəzza zolağından olan fələstinli radikallar uzun müddətdən sonra ilk dəfə Qüdsə doğru raket atıblar.

"Report" xəbər verir ki, bu barədə İsrail Ordusunun mətbuat xidməti məlumat yayıb.

Məlumata görə, raket təhlükəsinə görə ölkənin bir sıra bölgələrində, o cümlədən Qüds ətrafında, Negev səhrasının bəzi hissələrində və İsrailin mərkəzindəki Şfela vadisində həyəcan siqnalı verilib.

Ümumilikdə hərbçilər Qəzzadan iki mərmi atıldığını qeydə alıblar.

"Hədəflər istiqamətində ələkeçirən raketlər buraxılıb. Təfərrüatlar dəqiqləşdirilir", - məlumatda deyilir.

İnsan tələfatı və dağıntılar barədə hələlik məlumat yoxdur.