İsrail ordusu Dəməşqə raket atıb: 7 nəfər ölüb, 11-i yaralanıb

İsrail Silahlı Qüvvələri Suriyanın paytaxtı Dəməşqin Məzzə məhəlləsindəki yaşayış binasına hava zərbəsi endirib. Hücum zamanı ən azı yeddi mülki şəxs həlak olub, 11-i yaralanıb.

BAKU.WS xəbər verir ki, bu barədə Suriya Müdafiə Nazirliyi məlumat yayıb.

Məlumata görə, İsrail ordusu Colan təpələrindən Dəməşq istiqamətinə üç raket buraxıb.

İranın Suriyadakı səfirliyi açıqlayıb ki, İsrailin Dəməşqdəki binaya endirdiyi zərbə nəticəsində ölən və yaralananlar arasında İran vətəndaşları olmayıb.