İsrail Livanın cənubunda onlarla hədəfi vurdu

İsrail ordusu son 24 saat ərzində Livanın cənubunda fəaliyyət göstərən "Hizbullah" hərəkatına məxsus 70-dən çox obyektə hava zərbələri endirib.

BAKU.WS xəbər verir ki, əməliyyatlar zamanı qruplaşmanın raket buraxılış qurğuları, silah-sursat saxlanıldığı ehtimal olunan məntəqələr və hücumların planlaşdırılması üçün istifadə edilən binalar hədəfə alınıb.

İsrail Müdafiə Ordusu (IDF) zərbələr nəticəsində "Hizbullah"ın bir neçə üzvünün zərərsizləşdirildiyini də açıqlayıb.