İsrail İranın mərkəzindəki hədəflərə qarşı yeni zərbələrə başlayıb

İsrailin Müdafiə Ordusu İranın mərkəzindəki infrastruktur obyektlərinə yeni hücumlara başlayıb.

BAKU.WS xəbər verir ki, bu barədə ordunun mətbuat xidməti məlumat yayıb.

"İsrail Ordusu İranın mərkəzindəki infrastruktura qarşı əlavə hücum dalğasına başlayıb", - deyə bəyanatda bildirilib.

Xatırladaq ki, fevralın 28-də ABŞ və İsrail İrana qarşı hərbi əməliyyata başlayıb. İslam İnqilabı Keşikçiləri Korpusu (SEPAH) İsraildəki obyektlərə hücum edərək, genişmiqyaslı cavab əməliyyatı başladığını açıqlayıb. Həmçinin ABŞ-nin Bəhreyn, İordaniya, Qətər, Küveyt, BƏƏ və Səudiyyə Ərəbistanındakı obyektləri də zərbələrə məruz qalıb.