İspaniyada miqrant hücumu iğtişaşlara səbəb olub

İspaniyanın Torre-Paçeko şəhərində miqrantlar tərəfindən yaşlı bir kişiyə edilən hücumdan sonra şəhərdə kütləvi iğtişaşlar baş verib.

Yerli mətbuatın yaydığı məlumata görə, hadisə nəticəsində azı beş nəfər xəsarət alıb, onlardan üçü xəstəxanaya yerləşdirilib.

İddialara görə, hücumda bir qrup mərakeşli miqrantın 68 yaşlı təqaüdçüyə qarşı zor tətbiq etdiyi bildirilir. Zərərçəkmiş bildirib ki, hücum edənlər heç bir söz demədən üzərinə gəliblər.

Şəhər meri Pedro Anxel Roka isə bildirib ki, iğtişaşlarda əsasən şəhər sakinləri iştirak etməyib və zorakılığın cinayətlə mübarizə üsulu olmadığını vurğulayıb.