İraqın prezidenti kim seçiləcək? - İki gün sonra bəlli olacaq

İraqda dövlət başçısının seçilməsi ilə bağlı prosesin tarixi açıqlanıb.

BAKU.WS xəbər verir ki, prezident seçkiləri yanvarın 27-də ölkə parlamentində - Nümayəndələr Şurasının iclası zamanı keçiriləcək.

Parlament sədri Heybət əl-Həlbusi bildirib ki, iclas xüsusi olaraq prezidentin seçilməsinə həsr olunacaq. Seçkilərdə iştirak etmək üçün namizədlərin yekun siyahısına 19 nəfər daxil edilib. Onlar arasında hazırkı prezident Əbdül Lətif Rəşid, eləcə də İraqın xarici işlər naziri Fuad Hüseyn də var.

Qeyd edək ki, 2025-ci ilin sonunda Heybət əl-Həlbusi parlament sədri seçildikdən sonra Konstitusiyaya uyğun olaraq, 30 gün ərzində prezident seçkilərinin keçirilməsi nəzərdə tutulurdu. Yeni seçiləcək prezident isə parlamentdə ən böyük koalisiyaya ölkənin baş naziri postuna namizəd təqdim etmək səlahiyyətinə malik olacaq.