İranın Bəndər Abbas limanı yaxınlığında partlayış səsləri eşidilib

İranın Bəndər Abbas limanı və Qeşm adası ətrafında bir neçə partlayış səsi eşidildiyi bildirilir.

BAKU.WS xəbər verir ki, bu barədə "Fars" agentliyi məlumat yayıb.

Məlumata görə, partlayış səsləri Bəndər Abbas şəhərinin şərq istiqamətindən, eləcə də Qeşm adasının sahil bölgəsindən eşidilib. Adanın cənub hissəsində yaşayan sakinlər də ardıcıl partlayış səsləri eşitdiklərini bildiriblər.

Hazırda partlayışların səbəbi və xarakteri ilə bağlı rəsmi açıqlama verilməyib. Hadisənin təfərrüatlarının araşdırıldığı, əlavə məlumatın daha sonra açıqlanacağı qeyd olunur.