İrandan Hörmüz boğazı ilə bağlı ABŞ-yə sərt xəbərdarlıq

İranın ali dini lideri Ayətullah Müctəba Xameneinin müşaviri Möhsün Rzai Hörmüz boğazı ilə bağlı ABŞ-yə sərt mesaj verib.

BAKU.WS xəbər verir ki, keçmiş İnqilab Keşikçiləri Korpusunun baş komandanı olan Rzai televiziya proqramında çıxışı zamanı İranın müəyyən etdiyi marşrutdan kənar heç bir gəmiçilik yolunun açılmasına icazə verməyəcəklərini bildirib.

O qeyd edib ki, ABŞ-nin Hörmüz boğazındakı blokadası davam edərsə, bölgədəki Amerika hərbi gəmiləri risk altında olacaq.

Rzainin sözlərinə görə, ABŞ-yə məxsus hərbi gəmilər boğazın cənub marşrutuna yönəldilərsə, onlar birbaşa hədəfə çevriləcəklər.