İranda ABŞ və İsrail hava hücumlarından ölənlərin sayı 800-ə yaxındır

ABŞ və İsrailin İrana qarşı həyata keçirdiyi hərbi əməliyyatlar nəticəsində ölənlərin sayı 787 nəfərə çatıb.

BAKU.WS Tasnim-ə istinadən xəbər verir ki, məlumatı İran Qızıl Aypara Cəmiyyəti yayıb. Bildirilir ki, ölkənin 153 yaşayış məntəqəsində 504 obyektə endirilən hava zərbələri zamanı bu qədər insan həyatını itirib. Hazırda dağıntı altında qalan binalarda axtarış-xilasetmə işləri davam etdirilir.

Qurum yaralıların sayı ilə bağlı məlumat verməyib. Qeyd edək ki, martın 2-də İran Qızıl Aypara Cəmiyyəti ABŞ və İsrailin hücumları nəticəsində 555 nəfərin öldüyünü açıqlamışdı.