İran ABŞ bazasına zərbə endirdiyini açıqlayıb

İran Küveytdə yerləşən ABŞ hərbi bazalarından birinə raket və pilotsuz uçuş aparatları ilə hücum edildiyini açıqlayıb.

BAKU.WS İranın dövlət televiziyasına istinadən xəbər verir ki, zərbələr zamanı bazadakı "əsas obyektlərdən" birini hədəfə alıb. Hücumdan sonra ərazidən tüstünün yüksəldiyi və yanğın baş verdiyi bildirilib.

Hadisənin hansı ABŞ hərbi bazasında baş verdiyi ilə bağlı məlumatda Küveytdəki Əli əl-Salim aviabazasına işarə edilir.

Hazırda zərbə nəticəsində ölən və ya yaralananların olub-olmaması, eləcə də bazaya dəymiş ziyanın miqyası barədə rəsmi açıqlama verilməyib. Küveyt rəsmiləri də hadisə ilə bağlı hələlik ətraflı məlumat yaymayıb.