İran XİN rəhbəri HƏMAS-ın başçısının öldürülməsini şərh edib

"HƏMAS hərəkatının Siyasi Bürosunun rəhbəri Yəhya Sinvarın öldürülməsindən sonra Fələstinin İsrail işğalına qarşı mübarizəsi "hər zamankından daha canlıdır".

BAKU.WS Oxu.Az-a istinadən məlumatına görə, bu barədə İran Xarici işlər naziri Abbas Əraqçı bildirib.

"Yəhya Sinvar ölümdən qorxmurdu və Qəzzada şəhid oldu. O, döyüş meydanında sona qədər cəsarətlə vuruşdu. Biz və dünyanın hər yerində saysız-hesabsız başqa insanlar onun Fələstin xalqının azadlığı uğrunda fədakar mübarizəsini yüksək qiymətləndiririk. Şəhidlər əbədi yaşayır, Fələstinin işğaldan azad edilməsi işi isə hər zamankından daha canlıdır", - deyə nazir "X"də yazıb.

Xatırladaq ki, Yəhya Sinvar oktyabrın 16-da İsrail hərbçilərinin Qəzza zolağının cənubunda keçirdiyi əməliyyat zamanı məhv edilib. SAXAL onun öldürülməsindən əvvəlki son dəqiqələrinin videosunu öz "Telegram" kanalında paylaşıb.