İran ölkədəki ekoloji böhranla bağlı BMT-yə müraciət etdi

İran ABŞ-İsrail hücumları fonunda yaranan ekoloji böhranla bağlı BMT-yə müraciət edib.

BAKU.WS xəbər verir ki, bu barədə "Tasnim" xəbər agentliyi məlumat yayıb.

İranın BMT-dəki səfiri Səid İrəvani ABŞ və İsrailin İrana qarşı davam edən hərbi hücumlarından qaynaqlanan dəhşətli humanitar və ekoloji fəsadları qeyd edərək, bunun hava çirkliliyinə və mülki əhalinin sağlamlıq risklərinə səbəb olduğunu bildirib.

Səid İrəvani ötən gün BMT-nin Baş katibi Antonio Quterreşə, Birləşmiş Millətlər Təşkilatının Ətraf Mühit Proqramının (UNEP) icraçı direktoru İnger Andersenə, Birləşmiş Millətlər Təşkilatının İqlim Dəyişikliyi üzrə Çərçivə Konvensiyasının (UNFCCC) icraçı katibi Saymon Stillə və Birləşmiş Millətlər Təşkilatının Təhsil və Birləşmiş Millətlər Təşkilatının Uşaq Fondunun (UNICEF) icraçı direktoru Ketrin Rasselə məktub yazıb.

Məktubda bildirilib ki, İran İslam Respublikasının Qızıl Aypara Cəmiyyətinin məlumatına görə, ABŞ-İsrailin İrana hücumları zamanı baş verən partlayışlar nəticəsində atmosferə karbohidrogenlər, kükürd və azot oksidləri də daxil olmaqla çoxlu miqdarda təhlükəli birləşmələr buraxılıb.

Bu, xüsusilə yaşlılar və ürək-damar və tənəffüs yolları xəstəliklərindən əziyyət çəkən mülki əhali üçün ciddi hava çirkliliyi və ciddi sağlamlıq riskləri ilə xarakterizə olunan kritik vəziyyət yaradıb.

Məktubda həmçinin o da vurğulanıb ki, 8 mart 2026-cı il tarixində Tehranda yağan yağış, yüksək turşulu yağıntılar əhalinin tənəffüs yollarında ciddi problemlər yaradıb.

Eyni zamanda su ehtiyatlarının çirklənməsinə səbəb ola olub.

"Bu həyəcan verici vəziyyətlə əlaqədar olaraq, Tehran əyalətindəki bütün tibb mərkəzləri yüksək hazırlıq vəziyyətinə gətirilib. İranın Ətraf Mühit Departamenti Tehran və Kərəc sakinlərinə lazım olmadığı təqdirdə açıq havada olmaqdan çəkinməyi və mümkün qədər qapalı məkanlarda qalmağı tövsiyə edib.

İran İslam Respublikası Hökuməti Birləşmiş Millətlər Təşkilatını və onun müvafiq qurumlarını bu hadisələri təcili olaraq həll etməyə və ətraf mühitə zərərli hərəkətləri pisləmək və bu açıq-aşkar ekoloji cinayətə görə məsul olanların məsuliyyətə cəlb edilməsi də daxil olmaqla müvafiq tədbirlər görməyə çağırır" - deyə Səid İrəvani BMT-yə ünvanladığı məktubda qeyd edib.